ტექნოლოგიები
მსოფლიოში სწრაფად ვითარდება სტომატოლოგიური ტექნოლოგიები. დენტოკლუბში თანამედროვე ტექნოლოგიებს განსაკუთრებული ყურადღება ეთმობა. მუდმივად ხდება აპარატურის განახლება. კლინიკა 6 წელია რაც გაიხსნა და უკვე მოხდა ინფრასტრუქტურის, აპარატურის განახლება. დენტოკლუბი აღჭურვილია მსოფლიოში ცნობილი ფინური ბრენდის "Planmeca"-ს სტომატოლოგიური სავარძლებით, სადიაგნოსტიკო აპარატურით ვიზიოგრაფიით, ორთოპანტომოგრაფიის და დენტალური კომპიუტერული ტომოგრაფიის აპარატებით.
კარლ ცაისის (Carl Zeiss) დენტალური მიკროსკოპით ენდოდონტიური მკურნალობა
კარლ ცაისის (Carl Zeiss) დენტალური მიკროსკოპის გამოყენებით კბილების ენდოდონტიური მკურნალობა დენტოკლუბში
უკვე კბილის პულპის და პერიოდონტის დაავადებების მკურნალობა კარლ ცაისის (Carl Zeiss) უმაღლესი ხარისხის დენტალური მიკროსკოპის ქვეშ მიმდინარეობს.
სტომატოლოგიაში მიკროსკოპის გამოყენება ულტრატანამედროვე მიმართულებაა. ოპტიკური ხელსაწყოები საშუალებას გვაძლევს განვახორციელოთ უწყვეტი კონტროლი მკურნალობის პროცესში, რაც პირდაპირ აისახება მკურნალობის ხარისხზე და ორიენტირებულია კბილის ქსოვილების დაზოგვაზე.
მიკროსკოპი ახორციელებს სამუშაო ველის მაქსიმალურ განათებას და გადიდებას დაახლოებით 25-ჯერ, რაც გვეხმარება დავადგინოთ კბილის ზუსტი ანატომიური აგებულება და მოვახერხოთ მაქსიმალური სიზუსტით მისი აღდგენა.
წარმატებული ენდოდონტიური მკურნალობისთვის საჭიროა არხების ზედმიწევნით დამუშავება, დეზინფექცია და ჰერმეტულად მათი დახურვა.
მიკროსკოპის უპრატესობებია:
• ადვილად აღმოვაჩინოთ არხების შესასვლელი, კბილის ქსოვილის მაქსიმალური დაზოგვით.
• დავადგინოთ დამატებითი არხების და ანატომიური თავისებურებები.
• გავაკონტროლოთ არხიდან პულპის და ნეკროზული მასების გამოდევნა, რაც გვიცავს მეორადი ინფიცირებისგან.
• მოვაშოროთ დენტიკლები და კალციფიკატები, რაც ართულებს არხებთან მისადგომის შექმნას.
• მიკროსკოპის საშუალებით შესაძლებელია კბილზე ბზარების და მოტეხილობის ხაზის დადგენა.
• განმეორებითი ენოდონტიის შემთხვევაში მას შეუცვლელი როლი ენიჭება. ყველაზე გავრცელებული გართულება, რასაც სტომატოლოგი აწყდება ენდოდონტიური მკურნალობის დროს არის პერფორაციები და არხში ჩატეხილი ინსტრუმენტები, რის გამოც პაციენტების უმრავლესობა კარგავს კბილს. მიკროსკოპის საშუალებით ასეთ სირთულეებს მარტივად ვუმკლავდებით.
ცალკე აღნიშვნის ღირსია:
მსოფლიოში უნიკალური, სტომატოლოგიური სავარძელი - Planmeca Sovereign - უკანასკნელი ტექნოლოგიური მიღწევების ნაკრები.
Planmeca Sovereign-ის უნიკალურობა მდგომარეობს შემდეგში:
- იდეალურად კომფორტულია პაციენტის მოთავსების კუთხით. სავარძელი რეგულირდებაწონის, აღნაგობის და სიმაღლის მიხედვით, მაქსიმალური კომფორტისა და მკურნალობისთვის მოსახერხებელი პოზიციის მისაღებად.
- სავარძელი იღებს თავისა და სხეულის ისეთ მდგომარეობას, რომელიც საჭიროა განსხვავებული პოზიციონირებისას სხვადასხვა მანიპულაციების დროს.
- ყველა სტომატოლოგიური ინსტრუმენტი იმართება სენსორული ეკრანითა და უკაბელო პედალირებით, რაც მნიშვნელოვანია ექიმისთვის მკურნალობის პროცესის დროს.
- აპარატის მოწყობილობა თავადვე უზრუნველყოფს განსაკუთრებით მაღალი სტანდარტის ინფექციურ კონტროლს და დეზინფექციას.
Planmeca ProMax 3D- მსოფლიოში საუკეთესო დენტალური კომპიუტერული ტომოგრაფიის აპარატი.
აპარატი საშუალებას გვაძლევს განვახორციელოთ კვლევები დიაგნოსტიკისთვის, იმპლანტაციის დაგეგმვისთვის, არხების თერაპიული მკურნალობისთვის. მისი უპირატესობებია:
- უმცირესი ზომის პათოლოგიების პრევენციული დიაგნოსტიკა
- უზუსტესი სამგანზომილებიანი ტომოგრაფიული დიაგნოსტიკა მინიმალური დასხივებით
- იმპლანტაციის სრული ვირტუალური დაგეგმარება
- ყბა-სახის მიდამოს ფრაგმენტული და სრული ტომოგრაფია
- საფეთქელ-ქვედა ყბის სახსრის, ჰაიმორის ღრუს, ცხვირის და ყურის მიდამოს, კისრის მალების ტომოგრაფია
- სპეციალური პროგრამული რეჟიმები ბავშვებისთვის, მოზრდილებისთვის და ორსულებისთვის - ერთჯერადი მინიმალური დასხივებით, რაც რამდენიმე ათეულჯერ მცირეა სტანდარტულ კომპიუტერულ ტომოგრაფიასთან შედარებით.
- პაციენტს 3D კვლევის შედეგები გადაეცემა დისკზე ჩაწერილი.
- ცეფალომეტრიული დიაგნოსტიკა
ცეფალომეტრია გამოიყენება სახის ჩონჩხის დიაგნოსტიკისთვის. მისი საშუალებით ხდება ქალასთან მიმართებაში ზედა და ქვედა ყბის სწორი მდებარეობის, კბილთა დახრილობის დადგენა, აგრეთვე სახის რბილი ქსოვილების შეფასება. ცეფალომეტრია საუკეთესო სადიაგნოსტიკო საშუალებაა ორთოდონტიული მკურნალობის დასადგენად. მისი დახმარებით ექიმი-ორთოდონტი ადგენს მკურნალობის ზუსტ გეგმას და ხანგრძლივობას.
უახლესი (cerec) ცერეკ-ტექნოლოგიის აპარატი 
ცერეკი (cerec) – უახლესი აპარატია კბილის გვირგვინის კომპიუტერული რეკონსტრუქციისთვის. ის ჩანართის, ვინირის ან გვირგვინის დამზადების საშუალებას იძლევა პაციენტის ერთ ვიზიტზე. ცერეკ-სისტემა სრულად კომპიუტერულია და ზუსტად ახდენს სკანირებას, რაც გამორიცხავს რაიმე სახის შეცდომას მოდელირებისას.
ცერეკის საშუალებით ნარჩუნდება ცოცხალი კბილები, ულამაზესი ღიმილი კი ანაცვლებს კბილების არასწორი დგომით, არასასურველი ფორმით, ფერითა და დეფექტებით შექმნილ დისკომფორტს. ცერეკის (cerec) კბილები სრულად შეესაბამება ბუნებრივ კბილებს. თანამედროვე მეთოდებით ცერეკის ჩანართები სრულად ანაცვლებს ბჟენით მკურნალობასაც.
სტერილიზაცია და პაციენტის უსაფრთხოება
დენტოკლუბში სტერილიზაციისა და უსაფრთხო მკურნალობის უპრეცედენტო ნორმებია. სტომატოლოგიური ინსტრუმენტები დამუშავების რამდენიმე ეტაპს გადის: ქიმიური ანუ ცივი სტერილიზაცია, თერმული სტერილიზაცია, ავტოკლავით სტერილიზაცია.
ქიმიური ანუ ცივი სტერილიზაციისას სტომატოლოგიური ინსტრუმენტების ქიმიური დამუშავება ხორციელდება მხოლოდ უმაღლესი ხარისხის ფრანგული სასტერილიზაციო საშუალებებით.
სტომატოლოგიური ინსტრუმენტების თერმული და ავტოკლავირებით დამუშავებისთვის კლინიკა აღჭურვილია უახლესი აპარატებით:
სტომატოლოგიური იარაღები - ბუნიკები სტერილდება ბუნიკების სასტერილიზაციო, გერმანული ფირმა “MELAG“ სპეციალური აპარატით.
შეფუთული სტერილური ინსტრუმენტები პაციენტის მიღებამდე ინახება ბაქტერიოციდული ნათურებით აღჭურვილ სტერილიზაციის კამერებში.
შეფუთული სტერილური ინსტრუმენტები იხსნება პაციენტის თვალწინ, უშუალოდ მანიპულაციის დაწყებამდე.
ყველა სტომატოლოგიურ კაბინეტში განლაგებულია ბაქტერიოციდული ნათურები.
ყოველი პაციენტის მიღების შემდეგ კაბინეტი საგანგებოდ მუშავდება შემდეგი პაციენტის მიღებამდე, როგორც სადეზინფექციო საშუალებებით ასევე ბაქტერიოციდული ნათურების გამოყენებით.
გარდა სტერილური ინსტრუმენტებისა, გამოიყენება ერთჯერადი აქსესუარები და სამედიცინო ინვენტარი: ნერწყვგამწოვი, ხელთათმანები, პირპადეები, შპრიცები, გულსაფარი და სხვა.
კლინიკა მუდმივად მიმართავს ინფექციური კონტროლის სხვადასხვა ღონისძიებებს. აწარმოებს სამუშაო არეალის ინფექციურ კონტროლს, შესაბამისი სპეციალიზაციის ლაბორატორიის დახმარებით.